Kanadanın şimal-şərq bölgələrində həftələrdir davam edən meşə yanğınlarını söndürmək mümkün deyil.
Yanğınlardan yüksələn tüstü Ontario və Kvebek səmalarını bürüdükcə ABŞ-ın ən sıx məskunlaşdığı Nyu Yorka da yayılıb və səmanın rəngi sarıya çevrilib.
Nyu York Əyalətinin Ətraf Mühitin Mühafizəsi Departamentindən verilən açıqlamada 5 bölgədə havanın keyfiyyətinin pisləşdiyi, sağlamlıqla bağlı xəbərdarlıq edildiyi bildirilib. Ürək və tənəffüs sistemi xəstəlikləri olanların çölə çıxmaması xahiş olunub. Bundan əlavə, məktəblərdə bütün açıq hava tədbirləri ləğv edilib.
Bildirilib ki, tüstünün çox hissəsi Kanadanın Kvebek əyalətində baş verən yanğınlar nəticəsində yaranıb. “Hava şəraitinin sabah günorta və axşam daha da pisləşəcəyi gözlənilir” dedi Nyu York meri Erik Adams.
Kanada Qurumlararası Vəhşi Yanğın Mərkəzinin (CIFFC) məlumatına görə, ölkə daxilində 423 meşə yanğını davam edib, 246 yanğın isə nəzarətdən çıxıb. Yanğınların çoxunun Kvebekdə olduğu bildirilib.
