Belə ki, Yasamal qəbiristanlığında mərhumun dəfn mərasimini lentə alan əməkdaşımız Famil Fərhadoğlu nazirin işçilərinin hücumuna məruz qalıb. Əməkdaşımız üz və qol nahiyyəsindən xəsarət alıb. Həmçinin mobil telefonu əlindən alınaraq, sındırılıb.
Hadisə ilə bağlı KİV-lərdə xəbər yayımlandıqdan sonra Səhiyyə Nazirliyi dərhal açıqlama verib. Nazirlik baş verənləri üzərindən ataraq, hadisəni mərhum nazir müavininin qohumları tərəfindən törədildiyini bildirib.
Bakunews.az xəbər verir ki, Unikal.org saytı Səhiyyə Nazirliyinin bu açıqlaması ilə bağlı dərhal araşdırma aparıb.
İlkin araşdırma zamanı məlum olub ki, hadisəni törədən Milli Məclisdə şöbə müdiri vəzifəsində çalışmış mərhum Təyyar Paşayevin oğludur. Hazırda T.Paşayevin həyat yoldaşı Səhiyə Nazirliyində yüksək vəzifədə çalışır.
Məsələ ilə bağlı araşdırmamızı davam etdirəcəyik.
