İsveçdə terror təşkilatı PKK/YPG tərəfdarlarının təxribatları davam edir. Paytaxt Stokholmda küçələrə çıxan min nəfərə yaxın terror təşkilatı dəstəkçiləri İsveçdə iyunun 1-dən qüvvəyə minən yeni terror qanununa etiraz ediblər. Hökuməti istefaya çağıran terror tərəfdarları qanunun ləğvini tələb ediblər. Saatlarla davam edən təxribatda polisin müşayiəti ilə prezident Rəcəb Tayyib Ərdoğana qarşı şüarlar atan terror tərəfdarları əllərində “NATO-ya yox” yazılmış pankart və terror təşkilatına aid cır-cındır gəzdiriblər.
İsveçdə PKK terror təşkilatı kimi qəbul edilsə də, terror tərəfdarlarının aksiya keçirməsinə icazə verilir.
TERROR QANUNU
Yeni terror qanunu çərçivəsində terror təşkilatı fəaliyyətində iştirak edənlərə 4-8 il həbs cəzası verilə bilər. Bundan əlavə, terror təşkilatlarını maliyyələşdirən və ya dəstəkləyən şəxslərin tutulması və mühakimə olunması səlahiyyətləri də genişləndirilib. Qanuna görə, İsveçdə terror təşkilatı liderləri kimi tanınan şəxslər 20-25 il müddətinə azadlıqdan məhrum edilə bilər.
class=”medianet-inline-adv”>
İsveç parlamentində mayın 3-də keçirilən səsvermədə qanun layihəsi 34 deputat əleyhinə 268 səslə qəbul edilib, 47 deputat səsvermədə iştirak etməyib.
İSVEÇİN NATO ÜZVLÜĞÜ TÜRKİYƏ VƏ MACARISTAN TƏRƏFİNDƏN TƏSDİQ EDİLMİR
İsveç və Finlandiya Rusiyanın 2022-ci ildə Ukraynanı işğal etməsindən sonra NATO-ya üzvlük üçün müraciət etmiş, Türkiyə isə terror təşkilatı PKK/YPG-ni dəstəklədikləri üçün iki ölkənin NATO üzvlüyünə etiraz etmişdi. Finlandiya ötən ilin aprelində Türkiyə ilə aparılan danışıqlar nəticəsində rəsmi olaraq NATO-ya üzv olub, İsveçin isə NATO-ya üzvlüyü Türkiyənin təhlükəsizlik problemlərinin həll edilməməsi səbəbindən hələ də təsdiqlənməyib. Türkiyə İsveçdəki terror təşkilatlarının fəaliyyətinə görə daha sərt tədbirlərin görülməsini tələb edir. Bu səbəbdən bu gün qüvvəyə minən terrorla mübarizə qanunu İsveçin NATO-ya üzvlüyü istiqamətində mühüm addım kimi qiymətləndirilir. Türkiyə ilə yanaşı, Macarıstan hələ də İsveçin NATO üzvlüyünə yaşıl işıq yandırmayıb.
