İranın cənubunda 5,2 bal gücündə zəlzələ olub.
Reportyor.info xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.
Yeraltı təkanların episentri təxminən 165 min insanın yaşadığı Buşehr şəhərindən 82 km şimal-qərbdə qeydə alınıb. Zəlzələnin hiposentri 10 km dərinlikdə yerləşib.
İtki və dağıntı barədə məlumat verilməyib.
Xatırladaq ki, mayın 17-si İranın Şimali Xorasan ostanının Sənxast şəhərində qeydə alınan 5,5 bal gücündə zəlzələ nəticəsində bir neçə nəfər yaralanmışdı.
Discussion about this post