İran parlamenti milli valyutanın denominasiyası haqqında qanun layihəsini təsdiq edib.
Bu məlumatı İSNA agentliyi yayıb. Məlumata görə, İran milli valyutası rəsmi olaraq rial əvəzinə tümən adlanacaq. Üstəlik, 1 tümənin 10 min rial həcmində olacağı vurğulanıb.
Bununla belə ölkədə tümən və rialın 3 il ərzində birgə istifadə olunacağı bildirilib.
Qeyd edək ki, İran pul reformlarının keçirilməsinə 2016-cı ildə razılıq versə də, bu proses dörd il davam etmişdi.
Tümən 1932-ci ilə qədər İranın pul vahidi olub.
