İnsan haqlarım, vətəndaş hüquqlarım Laçın Rayon İcra Hakimiyyəti Aparatının Başçısı
Aqil Nəzərli tərəfindən ayaq altına atılıb.
Laçından olan məcburi köçkün, ictimai fəal Müqabil Baxışov Reportyor.info-nun elektron poçtuna göndərdiyi şikayət məktubunda belə qeyd edib.
2012-ci ilin may ayından başlayaraq bir mafiyanın əlində əsirə çevrilmişəm. Həmin dövrdə Laçın Rayon Təhsil Şöbəsində metodist vəzifəsində çalışırdım. Korrupsiya, rüşvətxorluq, yerlibazlıq, tayfabazlıq pik həddə çatmışdı. KİV-lərdə hər gün eşidirdim ki, Azərbaycan hökuməti korrupsiyaya, rüşvətxorluğa qarşı mübarizə aparır.Məndə özümü odun içinə atdım. Əvvəlcə yuxarı orqanlara ərizə ilə müraciət edib xahiş etdim ki, Azərbaycan Dövlətinin qanunlarının Laçın rayonundada işləməsinə, rüşvətxorluğa, yerlibazlığa son qoyulmasına köməklik olunsun. Bu müraciətlərimdən sonra rayonda tədidlərlə üzdəşdim.Məcburiyyət qarşısında qalıb KİV-lərə üz tutdum və 2012-ci ilin iyun ayının 5-də BMM-da mətbuat konfransı keçirib Ölkə Prezidentindən, Baş Prokurorluqdan, DİN-dən köməklik istədim.
M.Baxışov yazır ki, amma bu yalvarışımdan cəmi 13 gün sonra Ağcabədi Polisi məndən xuliqan düzəldib həbs etdi və 5 aydan sonra 3 il şərti cəza ilə azadlıqa buraxıldım. Ataların “haqq nazilər üzülməz” deyiminə inanıb yenədə mübarizəmi davam etdirdim və 2016-cı ilin noyabr ayının 28-də yenidən həbs olundum. Halbu ki, 2016-cı ilin mart ayında Laçın Rayon İcra Hakimiyyəti Aparatının Başçısı vəzifəsi Aqil Nəzərliyə tapşırılan günü Azərbaycan Respublikasının bütün səlahiyyət sahiblərindən imdad dilədim, yalvardım ki, məni A.Nəzərlinin caynağından xilas edin. Sanki mən bu ölkənin vətəndaşı deyilmişəm kimi müraciətlərimə heç bir əhmiyyət verilmədi. Mən İkinci dəfədə həbs olunanda başa düşdüm ki, Laçın rayonunun idarə və müəssisələrini amansızcasına qarət edən dəstənin yuxarı dairələrdə güclü dayaqları var və bu güc qarşısında yeganə çıxış yolu susub Dövlət əmlakını qarət edənlərə, rüşvətxorlara halal xoşun olsun demək lazımdır.
Hörmətli Agentlik! 2018-ci ilin yanvar ayının 31-də Azadlıqa buraxılmışam. Üzərimdə heç bir əsas və əlavə cəza yoxdur. Azərbaycan Respublikasının mövcud Qanunlarına görə keçmiş məhkumlar cəmiyyətə adaptasiya olunmaq üçün təhsilinə, peşəsinə və ixtisasına uyğun işlə təmin olunmalıdır. Keçmiş məhkumların işlə təmin olunması müvafiq İcra Hakimiyyəti orqanlarına tapşırılıb.
Laçın rayon İcra Hakimiyyətinin Başçısı Aqil Nəzərli mənə birmənalı olaraq bildirirki, mən başçı olduğum müddətdə sənə iş yoxdur. Prezident Admistrasiyasına etdiyim müraciətlər Laçın rayonuna göndərildiyi üçün cavabsız qalır. Prezident Admistrasiyasının kuratoru Ağəli Əhmədovun qəbulunda olsamda mənə heç bir köməklik olunmadı.Hara müraciət edim? Kimə müraciət edim? Sabah hansısa xarici ölkənin Azərbaycan Respublikasındakı diplomatik korpusundan sığınacaq istəsəm bu dəfədə məndən vətən xaini düzəldib həbs edəcəklər. Mən başa düşmürəm ki, nəyə görə Azərbaycan Dövləti və hökuməti taleyimə bu qədər biganə yanaşır.
Hörmətli reportyor.info sizin vasitənizlə Azərbaycan Respublikasının Möhtərəm Prezidenti İlham Əliyev cənablarına, Birinci Vitse Prezident Mehriban xanım Əliyevaya,Azərbaycan Respublikasının Konstitusiya Məhkəməsi cənab Fərhad Abdullayevə müraciət edərək xahiş edirəm məni Aqil Nəzərlinin caynağından xilas edin. Onsuzda bütün insan haqlarım, vətəndaş hüquqlarım Laçın Rayon İcra Hakimiyyəti Aparatının Başçısı Aqil Nəzərli tərəfindən ayaq altına atılıb. Cəzaçəkmə müəsisəsindən azadlıqa buraxılsamda ömürlük azadlıqdan məhrum edilmiş kimiyəm. Əgər A.Nəzərliyə gücünüz çatmırsa heç olmasa məni Azərbaycan Respublikasından sürgün edin.
Laçın Rayonun Şeylanlı kəndindən məcburi köçkün Baxışov Müqabil Baxış oğlu.
Qeyd edək ki, qarşı tərəfin mövqeyini dərc etməyə hazırıq:
