Kempo idman növü üzrə ölkəmizi təmsil edən idmançılar Moskvada keçirilən dünya çempionatında uğurla çıxış ediblər.
Reportyor.info xəbər verir ki, dünya çempionatında müxtəlif yaş qrupundan olan idmançılar qüvvələrini sınayıb. Yarışa 15 ölkədən 200-dən çox idmançı qatılıb.
Azərbaycan komandasından Jasmin Xəlilova bütün rəqiblərinə qalib gələrək qızıl medal qazanıb. Fərəh Novruzzadə və Nihat Əhmədli isə üçüncü yerə layiq görülüb.
Fərəh Novruzzadə bildirib ki, məqsədləri daha böyük uğurlar qazanmaqdır: “Təbii ki, bununla dayanmayacağıq. Daha çox məşq edib, daha böyük naliyyətlər qazanmaq arzusundayıq. İnşallah hər şey daha yaxşı olacaq, yeni yarışlara qatılıb, uğurlar qazanacağıq”.
Çempionat çərçivəsində azərbaycanlı mütəxəssis, Beynəlxalq Kempo Federasiyasının prezidenti, 8-ci dan kəmər Tarverdi Allahverdiyev və Mixail Maxnev tərəfindən yarış iştirakçılarına texniki seminar keçirilib.
Tarverdi Allahverdiyev bildirib ki, bundan sonra Macarıstanın Budapeşt şəhərində Dünya Kuboku keçiriləcək və Azərbaycan komandası tam heyətlə orada iştirak edəcək: İnanıram ki, idmaçılarımız bu yarışda Azərbaycan bayrağını yüksəklərə qaldıracaq”.
