“Bu barədə əlavə bir söz deməyin yeri yoxdur. Məsələ ilə bağlı Daxili İşlər Nazirliyi səviyyəsində açıqlama olub. Təbii ki, bir ata kimi mən də oğlumu tənbeh etdim”.
Bunu Ağcabədi Rayon İcra Hakimiyyətinin başçısı Rafil Hüseynov ötən həftə vətəndaşın mənzilinə daxil olaraq, yarıçılpaq vəziyyətdə aparan polis zabiti olan oğlu Şəhriyar Hüseynzadənin qanunsuz əməli barədə Gununsesi.org-un sorğusuna cavabında deyib.
Qeyd edək ki, Şəhriyar Hüseynzadənin bu hərəkəti ölkədə ciddi ictimai qınaq yaratdığından DİN rəhbərliyi onu cəzalandırıb.
Onu da bildirək ki, vətəndaşlara qarşı zorakılıq edən Şəhriyar Hüseynzadə həm də Suraxanı Rayon İcra Hakimiyyətinin başçısı Əziz Əzizovun da kürəkənidir.
Xatıladaq ki, Yasamalda iyun ayının əvəllərində sərt karantin rejimini pozan şəxsin saxlanması zamanı polisin üzərinə zibil atılmışdı. BUndna bir gün sonra polis həmin binada əməliyyat keçirərək 11 nəfəri saxlayıb. Saxlanma zamanı bəzi şəxslər yatdıqları yerdən götürüblər.
Bu zaman polislərdən biri əynini geyinmək istəyən şəxsə imkan verilməməsini tapşırıb. Məlumata görə, “paltar geyinməsin, elə bu vəziyyətdə apar” deyən polis kapitanı Şəhriyar Hüseynov olub.