Sabiq Ekologiya və Təbii Sərvətlər Naziri Hüseynqulu Bağırovun arxasınca danışmaq kimi çıxmasın.Bu yazını Hüseynqulu müəllim nazır olsaydı belə,yenə yazardım.”Yıxılana balta çalmazlar ” baxımından bəlkə də düzgün eləmirəm.Amma orası da var ki,Hüseynqulu müəllim yıxılmayıb axı. Sadəcə uzun illər tutduğu bir vəzifədən kənarlaşdırılıb.İşində buraxdığı ciddi nöqsanlara görə kənarlaşdırılmış bir sıra sabiq nazirlərdən fərqli olaraq Hüseynqulu Bağırov bu gün rahatdı.Düzdü onun ekologiya nazirliyinə rəhbərlik etdiyi vaxtlarda da dövru mətbuat təkcə ekoloji problemlərdın deyil,həm də meşələrin qırılmasından, Ekologiya və Təbii Sərvətlər Nazırliyinin balansında olan torpaq sahələrinin təyinatına uyğun olmayan şəkildə istifadəsinə yol verilməsindən və bir çox problemlərdən vaxtaşırı yazırdı. Bizim də qismətimizə bu gün düşdü.Vətəndaş Məmmədov Boris Şiraslan oğlunun redaksiyamıza ünvanladığı şikayət məktubundayazır ki,”mən 1993-cü ildə Quba rayonunun Qəçrəş kənd yolu istiqamətində,Qudyalçayın sahilində yerləşən 0,70 ha boş torpaq sahəsini Quba rayon sakini İsmayılov Svetlan Gülbala oğlundan almışam.Ərazinin 1993-cü ildən 2023 -cü ilə qədər,yəni 40 il müddətinə icarəyə verilməsi barədə sənədlərim də var. Alqı-satqı zamanı həmin dövrün pul vahidi ilə dövlət rüsumları ödəmişəm. Həyat yoldaşım qubalı olduğundan qubada təsərrüfat yaratmaq fikrinə düşdüm və həmin ərazidə armud ağacları əkdim.Əraziyə transformator qoyduraraq hasara aldırdım ki gələcəkdə limonad sexi açaram. Bütun bunlara baxmayaraq keçmiş Ekologiya və Təbii Sərvətlər Naziri Hüseynqulu Bağırov mənim əlimdən alaraq bacısı,”Qərb”Universitetinin rektoru Düriyyə Nuriyevaya (Düriyyə Nuriyeva “Qərb” Universitetinin vitse- prezidenti, Hüseynqulu Bağırovun bacısıdır-red) hədiyyə etmişdir.” Boris Məmmədovun dediyinə görə əraziyə əvvəllər Ekologiya və Təbii Sərvətlər Nazirliyi,Quba Meşələrin Mühafizəsi və Bərpası İdarəsinin quba filialı yazılmış bir lövhə vurmuşdular. Sonra lövhəni dəyişib etdilər “QƏRB “Universitetinin təsərrüfatı. Vətəndaşın sözlərinə görə torpaqdan təyinatı üzrə istifadə edilməmiş,”Qərb” Universitetinin təsərrüfatı adlandırılsa da ərazidə villa tikilmişdir. Boris Məmmədov yazır ki,” mənimişgüzar fəaliyyətimə zərbə vuraraq real gəlirlərdən məhrum etmişlər.Bununla əlaqədar müxtəlif instansiyalara şikayət etsəm dəheç bir nəticəsi olmadı. Çünki keçmiş nazirin təsir dairəsi və səlahiyyətləri buna imkan vermədi.Mən “QƏRB” Universitetində Düriyyə xanımla dəfələrlə əlaqə yaratdım ki ,qəbul etsin .Lakin Düriyyə xanım məni nəinki qəbul etdi,əksinə Sumqayıt şəhər Polis idarəsinə onu şantaj etməyimlə bağlı müraciət etdi.Buna görə də mən məcburiyyət qarşısanda qalıb məhkəmətə müracıiət etməli olacam.” Aktualinfo.org saytı vətəndaş Boris Məmmədovun muraciətini geniş ictimaiyyətin diqqətinə çatdırmaqla kifayətlənməyəcək.Araşdırmalarımızı davam etdirəcək,hüquqşünasların,torpq üzrə eksortlərin də məsələyə münasibətini öyrənməyə çalışacaq.Təbii ki,bir tərəf olaraq əks tərəfin də movqeyini öyrənmək şərti ilə.
T.Məmmədov
Aktualinfo.org
Discussion about this post