Hindistanın Manipur əyalətində iki etnik qrup arasında silahlı qarşıdurma baş verib.
Ştatın şimal-qərbində yaşayan Kuki tayfası ilə şimal-şərqdə yaşayan Meitei qəbiləsi arasında baş verən qarşıdurmada 9 nəfər həlak olub. Əyalətin paytaxtı İmfalda yüksək səviyyəli polis məmuru Şivakanta Sinq rəqib qruplar arasında atışmanın dünən başladığını və saatlarla davam etdiyini izah edərək, “İndiyə qədər ən azı 9 ölü və 10 yaralı olduğu barədə məlumatlarımız var” dedi.
Digər tərəfdən, təhlükəsizlik qüvvələri əyalətdə qanunsuz silah axtarışına başlayıb.
Manipurdakı ən böyük etnik qrup olan Meitei, planlaşdırılmış qəbilə statusu əldə etmək üçün illərdir fəaliyyət göstərir, planlaşdırılmış qəbilə statusu olan qruplar isə tələbin əleyhinədir. Ölkədə planlı tayfa kateqoriyasına daxil olan, rəsmi olaraq sosial-iqtisadi cəhətdən zəif hesab edilən tayfalara siyasi təmsilçilik hüququ verilməklə yanaşı, onların həyat şəraitinin yaxşılaşdırılması üçün iş imkanları da təmin edilir.
class=”medianet-inline-adv”>
May ayında Myanma sərhədində baş vermiş oxşar hadisədə Meitei və Kuki qəbilələri arasında baş verən qarşıdurmalarda ən azı 80 nəfər həlak olmuş, 40 mindən çox insan isə didərgin düşmüşdü.