Azərbaycan Həmkarlar İttifaqları Konfederasiyasının (AHİK) Media və Kommunikasiya Şöbəsinin Multimedia sektorunun müdiri Günel Gözəlova vəzifəsindən azad olunması ilə bağlı yayılan xəbərlərə aydınlıq gətirib.
Pravda.az xəbər verir ki, Günel Gözəlova xəbərin həqiqətəuyğun olmadığını açıqlayıb.
“Əziz həmkarlarım, doğmalarım, dostlarım, səhəri “Günel Gözəlova işdən çıxarıldı” başlıqlı xəbərlərlə açdım. Bu çox ayıb və jurnalistikaya zidd addımdır. Altı ayda Azərbaycan Həmkarlar İttifaqları Konfederasiyasının rəhbərliyi tərəfindən iki dəfə Təşəkkürnaməyə layiq görülmüşəm. Və mənim özümdən soruşmadan, elə sizdən olan biri ilə bağlı bu tərzdə gündəm yaratmaq jurnalistika deyil”, – G.Gözəlova bildirib.
***
11:38
Azərbaycan Həmkarlar İttifaqları Konfederasiyasının (AHİK) Media və Kommunikasiya Şöbəsinin Multimedia sektorunun müdiri Günel Gözəlova vəzifəsindən azad olunub.
Bununla bağlı AHİK sədri Sahib Məmmədov müvafiq əmr imzalayıb.
Əmrə əsasən, o, öz ərizəsilə tutduğu vəzifədən azad edilib.
Qeyd edək ki, tanınmış telejurnalist G.Gözəlova ötən ilin avqustunda bu vəzifəyə təyin olunmuşdu./İqtisadiyyat.az
