Ana Vətən Partiyasının (AVP) sədri Fəzail Ağamalının qızı Günay Ağamalı Salyanda seçicilərin qınağına tuş gəlib.
Reportyor.info xəbər verir ki, bu barədə sosial şəbəkələrdə görüntülər yayılıb.
65 saylı Salyan-Biləsuvar-Neftçala seçki dairəsindən namizəd olan Günay Ağamalıya rəqibləri ilə debata çıxmaq təklif edilib. Lakin o, bundan imtina edib.
Bundan başqa, seçicilər Günay Ağamalının namizədliyinə açıq-aşkar etiraz ediblər. Onlar “Salyanı nə hesab edirsiniz, atası deputat oldu, indi də qızı olur” deyərək Günay Ağamalını dəstəkləmədiklərini nümayiş etdiriblər.
Çətin vəziyyətə düşən Günay Ağamalı çıxış yolunu görüş yerini tərk etməkdə görüb.
Bu olay isə Fəzai Ağamalının qızının Salyandan qovulması kimi sosial şəbəkələrdə yayılıb.
Fəzail Ağamalı uzun illər Milli Məclisin deputatı olub. Sentyabrın 1-də keçiriləcək seçkilərdə namizəd olmayan AVP sədrinin əvəzinə qızı namizədliyini irəli sürüb.
