Göyçayda tut ağacı kəsən qadın cəzalandırılıb.
Reportyor.info xəbər verir ki, bu barədə Dövlət Ekoloji Təhlükəsizlik Xidməti məlumat yayıb.
Bildirilib ki, Göyçay şəhəri, Mehdi Hüseynzadə küçəsi, 31a ünvanında tut ağacının kəsilməsi ilə bağlı Dövlət Ekoloji Təhlükəsizlik Xidmətinə daxil olan şikayət araşdırılıb və fakt təsdiqini tapıb.
Xidmət rəsmisi Bəhruz Məhəmmədov bildirib ki, araşdırma zamanı tut ağacının sözügedən ünvanda yaşayan vətəndaş İlhamə Babayeva tərəfindən kəsildiyi müəyyən olunub.
“Faktla bağlı akt, protokol tərtib edilib və İ.Babayeva barəsində qanunamüvafiq tədbir görülüb”.
B.Məhəmmədovun sözlərinə görə, kəsilmiş ağacın yerinə payız mövsümündə yeni ağacın əkilməsi üçün Göyçay bələdiyyəsinə göstəriş verilib.
