Ləğv olunmuş Milli Təhlükəsizlik Nazirliyinin İstintaq Baş İdarəsinin sabiq rəisi general Mövlam Şıxəliyevin həbsi barədə xəbər yayılıb.
Reportyor.info xəbər verir ki, generalın yaxınları onun həbsinin səbəbləri barədə məlumatlı deyil. Hər halda Mövlam Şıxəliyevin oğlu Elgün Şıxəliyev atasının həbsini təsdiq etsə də, bunun səbəblərinin ona bəlli olmadığını bildirib: “Mən də evdəyəm. Niyə həbs olunduğunu bilmirəm“.
Mövlam Şıxəliyev sabiq MTN şefi Eldar Mahmudovun əsas adamlarından biridir. Mövlam Şıxəliyev MTN tərəfindən törədilən bir sıra cinayətlərdə əsas iştirakçılardan biri olsa da bu günə qədər azadlıqda qala bilmişdi.