Fransada “Hər şeyi bloklayaq” şüarı ilə kütləvi etiraz aksiyaları başlayıb.
“Qafqazinfo” “France-Presse” agentliyinə istinadən xəbər verir ki, aksiya iştirakçıları hökumətin iqtisadi sahə ilə bağlı təklif etdikləri tədbirlərə qarşı etiraz edirlər.
Aksiyanın ilk saatlarından paytaxt Parisdə etirazçılarla polis arasında qarşıdurma yaşanıb.
Etirazlarla bağlı çağırışlar hələ iyul ayından sosial şəbəkələrdə yayılmağa başlamışdı. Buna səbəb isə ölkənin bir neçə gün əvvəl istefa verən Baş naziri Fransua Bayrunun 2026-cı ilin büdcəsinə dair qanun layihəsini təqdim etməsi olub.
***
Fransa Daxili İşlər Nazirliyinin məlumatına görə, aksiya zamanı 250 nəfər saxlanılıb.
Saxlanılanların əksəriyyəti paytaxt Parisdəki aksiyada iştirak edənlər olub.
***
Fransada saxlanılan etirazçıların sayı 300 nəfərə çatır.
Belə ki, Fransa DİN-in məlumatına görə, 171 nəfər Parisdə olmaqla, ümumilikdə ölkə üzrə 295 nəfər saxlanılıb.
