«AzPolitika.info»-nun xarici KİV-ə istinadla verdiyi xəbərə görə, Almaniyanın ardınca Fransa da Amerika Birləşmiş Ştatlarına (ABŞ) işarə edib ki, G7 sammitinin birgə kommünikesini imzalamaya bilər, Fransa Prezidenti Emmanuel Makronun dəftərxanasındakı mənbəyə istinadla, bu barədə «Blumberq» agentliyi xəbər verib.

Agentliyin xəbər verdiyi kimi, Makron hesab edir ki, sənədi imzalamazdan əvvəl bir sıra məsələlər üzrə, xüsusilə də Birləşmiş Ştatların polad və alüminuma qoyduğu idxal rüsumu, İranla saziş və iqlim üzrə Paris sazişi məsələləri üzrə proqresə nail olmaq lazımdır.

Bundan əvvəl Fransanın xarici işlər naziri Jan-İv Le Drian xəbər verib ki, qarşıdan gələn G7 sammitinin mövzularından biri də Amerika Birəşmiş Ştatlarının (ABŞ) bir çox beynəlxalq sazişlərdən çıxması məsələsi olacaq.

«Böyük yeddilər»in sammiti iyunun 8-9 tarixlərində Kanadanın Kvebeq əyalətində keçiriləcək.