Fövqəladə Hallar Nazirliyi (FHN) Səhiyyə Nazirliyinin tabeliyində fəaliyyət göstərən Respublika Gigiyena və Epidemiologiya Mərkəzi barəsində inzibati protokol tərtib edib.
Reportyor.info qaynarinfo-ya istinadla xəbər verir ki, Mərkəz İnzibati Xətalar Məcəlləsinin 268.0.1-ci (İonlaşdırıcı şüa mənbələri ilə iş zamanı radiasiya təhlükəsizliyinin təmin edilməməsi) maddəsi ilə ittiham edilir.
Bu maddəyə əsasən, fiziki şəxslər 700 manatdan 1000 manatadək, vəzifəli şəxslər 2500 manatdan 3500 manatadək, hüquqi şəxslər isə 12 000 manatdan 15 000 manatadək məbləğdə cərimə edilir.
Respublika Gigiyena və Epidemiologiya Mərkəzi isə bununla razılaşmayaraq məhkəməyə şikayət ərizəsi təqdim edib. Mərkəzin şikayəti Nizami Rayon Məhkəməsinin hakimi Nigar Qədirlinin icraatındadır.
