“Feministlərin ölkədəki başqa məsələlərlə bağlı aksiyaları da olub. Amma cəmiyyətə çox səs salmayıblar, yadda qalmayıblar. Məsələn, seçki saxtakarlığına etiraz ediblər, sadəcə, bu etiraz çox qabarmayıb”.
Bu fikirləri Reportyor.info-ya ictimai fəal, “Dalğa” hərəkatının təsisçilərindən olan Ramin Hacılı feministlərin təyin etdiyi 8 Mart aksiyası ilə bağlı danışarkən deyib.
Onun sözlərinə görə, feminist fəalların müxtəlif problemlərlə bağlı aktiv hərəkətlərinə şahid olmuşuq:
“Onlar yaşıllıqların qorunması, pandemiya dövründə təhsil haqlarının ödənilməsində güzəştlərin edilməməsi və sair məsələlərlə önə çıxıblar.
Sadəcə, Azərbaycanda qadına şiddət olduğuna görə buna etiraz edənlər qınanırlar. Bu da nəticədə müzakirələrə səbəb olur. Deməli, problem var ki, qınaq da var”.
R.Hacılı hesab edir ki, kişilərin hüquqlarını dilə gətirən kifayət qədər vətəndaş cəmiyyəti insitutları, siyasi təşkilatlar var: “Amma ölkədə insan haqlarının müdafiəsi ilə bağlı aksiyalar ajiotaj yaratmır, feministlərin qadına şiddətlə bağlı etirazları səs-küy doğurur”.
Discussion about this post