“Bu adamlardan soruşsanız feminizm nədir, öz bildikləri cavabı verəcəklər. Feminizm əzilmiş qadınların hüquqlarını müdafiə etməkdir. Feminizm heç də “vagina mənimdir, kim istəsəm verərəm” demək, onu bu səviyyəyə endirmək deyil”.
Bu sözləri Reportyor.info-ya Azad Media TV-nin rəhbəri, jurnalist Gülnaz Qənbərli feminist gənclərin 8 Mart aksiyası haqda münasibət bildirərkən deyib.
G.Qənbərlinin fikrincə, Azərbaycanda feminizm məhz bu cür aksiyalar sayəsində kifayət qədər gözdən düşüb: “İl ərzində feminizm sahəsində heç bir iş görülmür, 8 mart gələndə “hür küçələr bizə, küy küçələr bizə” qışqırırlar. Bu, feminizm deyil, belə olmur”.
Jurnalist hesab edir ki, əslində özünə feminist deyib bar-bar bağıranların çoxu elə qadın haqlarını pozan şəxslərdir. G.Qənbərli onu da düşünür ki, feminizm hərəkatı bir qrant layihəsidir və Qərb bundan bəhrələnir.
“Nüfuzlu Qərb dövlətləri dünyanın ikinci və üçüncü sırada olan kiçik ölkələrini təsirində saxlamaq üçün əzik, pula ehtiyacı olan adamlardan istifadə edirlər. Həmin qadınlar da bu fondlar tərəfindən istifadə olunurlar”, – deyə G.Qənbərli vurğulayıb.
Onun sözlərinə görə, kişilərin də haqları pozulur, görünür bu sahədə məsələləri qaldırmaq “feminist”lərə sərf etmir.
Gülay
Discussion about this post