Parlament sədrinin müavini Fəzail İbrahimli Milli Məclisin iclasında çıxış edərək “Azərbaycan” qəzetində dövlət başçısının fəaliyyətilə bağlı materialı təftiş edənlərlə bağlı danışdı. O bildirdi ki, yazıda cənab prezidentin 19 illik nailiyyəti, Azərbaycanın 19 illik uğurları, Ermənistanın məğlubiyyətindən bəhs edən adamlar hədəf götürülüb.
Vitse-spiker Üzeyir bəy Hacıbəyli ilə bağlı olan bir əhvalatı xatırladaraq dedi: “Soxmayın burnunuzu belə yazılara, Azərbaycanda hər kəs bir-birini tanıyır. Kimin nə məzhəbə qulluq etdiyini, kimin hansı ölçüdə ayaqqabı geyinməsini də hər kəs bilir”.
F.İbrahimli belə təftişçilərə qarşı ölçü götürülməsini də zəruri saydı: “Cənab prezidentin fəaliyyətini işıqlandıran adamların üzərinə gəlmək…Bilmirəm kimlərdir buna cəsarət edənlər? Mətbuat Şurası bu işlə məşğul olmalıdır. Azərbaycanda qanun-qayda var və qanun-qayda daxilində biz hərəkət etməliyik”.
