Ermənistanda 18 yaşdan 55 yaşınadək kişilər ölkəni yalnız ərazi hərbi komissarlıqlarının yazılı icazəsi ilə tərk edə bilərlər. Əks halda ölkədən çıxmağa icazə verilməyəcək.
Reportyor.info xəbər verir ki, bu barədə “Sputnik Ermənistan”a Mülki Aviasiya Komitəsindən məlumat verilib.
“Ermənistan hökuməti tərəfindən 27 sentyabr 2020-ci il tarixdə qəbul edilmiş qərara uyğun olaraq 55 yaşdan aşağı şəxslər üçün çağırış elan olunub. 18-55 yaş arasındakı kişilərin ölkədən çıxmasına yalnız ərazi hərbi komissarlıqlarının yazılı icazəsi ilə razılıq verilir”, – deyə məlumatda qeyd olunub.
