Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan da istifadə etməklə sutka ərzində atəşkəs rejimini 22 dəfə pozub. Müdafiə Nazirliyinin mətbuat xidmətindən verilən məlumata görə, Ermənistanın Noyemberyan rayonu ərazisindəki adsız yüksəkliklərdə yerləşən mövqelərdən Qazax rayonunun Qaymaqlı, Quşçu Ayrım kəndlərində və adsız yüksəkliklərdə yerləşən mövqelərimiz atəşə tutulub. Tərtər rayonunun işğal altında olan Göyarx, Çiləbürt, Ağdam rayonunun Şıxlar, Füzuli rayonunun Aşağı Veysəlli, Horadiz, Cəbrayıl rayonunun Nüzgar və Mehdili kəndləri yaxınlığında, həmçinin Tərtər rayonu ərazisindəki adsız yüksəkliklərdə yerləşən mövqelərdən də ordumuzun mövqeləri atəşə tutulub.

“Gürcüstan hökumət dəyişməsə 1-2 ildən dünya xəritəsindən silinə bilər”.

Modern.az xəbər verir ki, bu barədə Gürcüstanın sabiq lideri Mixail Saakaşvili Tbilisi prezident kitabxanasında “Birlikdə Evimiz Gürcüstana” ictimai birliyinin təqdimat mərasiminə Skype ilə qoşulan zaman deyib.

“Əgər hökuməti vaxtında dəyişməsək, gürcü dövləti artıq olmayacaq. Biz dünyada 1 nömrəli islahatçı ölkə idik, indi isə heç yerdə təmsil olunmuruq”.

Saakaşvilinin sözlərinə görə, onun prezidentliyi zamanı ölkə iqtisadiyyatı 4 dəfə böyüyüb.

“Amma İvanişvili dövründə bu göstərici sıfıra bərabədir. Həmçinin, 1 milyon həmvətənimiz mühacirətdədir”.

Mixail Saakaşvili 2004-2013-cü illərdə Gürcüstana rəhbərlik edib. 2014-cü ildən Gürcüstan Prokurorluğu onu “vəzifə səlahiyyətlərindən sui-istifadə”də ittiham edərək milli axtarışa verib. 2017-ci ildən siyasətçi Amsterdam şəhərində yaşayır