Dünya ulduzları dünən Los-Ancelesdə baş tutan “Latin American Music Awards” mükafat mərasimində azərbaycanlı dizayner Rüfət İsmayılın libaslarını geyinib.
Publika.az xəbər verir ki, Meksikanın məşhur kino ulduzları Samadhi Zendejas və Hanna Stoking qırmızı xalça üçün libaslarını “Afffair” brendinin yaradıcısı Rüfət İsmayılın Nyu-Yokrda nümayiş olunan kolleksiyasından seçib.
23 yaşlı aktrisa Samadhi Zendejas və Hanna Stoking geyimlərilə gecənin seçilən ulduzları olub. Lakin qeyd etmək lazımdır ki, Samadhinin qızılı paltarı Azərbaycan mətbuatına yad deyil. Bu libası Xalq artisti Aygün Kazımova “Jara”nın Bakıda keçirilən Beynəlxalq Musiqi Festivalında öz üzərində nümayiş etdirmişdi.
