DSK sədri Neftçaladakı torpa alverinə reaksiya – “Mənim səlahiyyət çərçivəmə aid deyil”
61 saylı Neftçala Dairə Seçki Komissiyasının sədri Zaur Kərimov rayonun icra başçısı Mirhəsən Seyidovla hər hansı işbirliyində olması barədə deyilənlərə reaksiya verib.
Reportyor.info ilə əlaqə saxlayan DSK sədrinin sözlərinə görə, torpa alveri ilə məşğul olması barədə deyilənlər həqiqəti əks etdirmir.
Zaur Kərimov deyib ki, o DSK sədridir və səlahiyyət çərçivəsinə daxil olan faəliyyətlə məşğuldur. “Mən Dairə Seçki Komissiyasının sədriyəm torpaq alveri ilə necə məşğul ola bilərəm? Axı bu iş ümumiyyətlə mənim səahiyyət çərçivəmə daxil deyil”, – deyə o bildirib.
DSK sədri həmçinin oğlunun narkotik ittihamı ilə həbsi barədə deyilənlərin də doğru olmadığını söyləyib.
Xatırladaq ki, Reportyor.info-da bir qrup fermerə istinadən Zaur Kərimovla bağlı yazı dərc edilib. Həmin yazıda DSK sədri ilə icra başçısının torpaq alveri ilə məşğul olduğu, fermer təsərrüfatlarının fəaliyyətinə bu və ya digər şəkildə müdaxilə edərək aqrar inkişafa maneçilik törətmələrindən bəhs edilir.
