Bu gün, iyunun 1-də Qarabağ müharibəsinin iştirakçıları Əmək və Əhalinin Sosial Müdafiəsi Nazirliyinin qarşısına toplaşıblar.
“Reportyor.info” xəbər verir ki, özünü Nazim Cavadov kimi təqdim edən şəxs deyib ki, müharibədən qayıdandan sonra işsizdir. Həmin şəxs qeyd edib ki, Qarabağdan qayıdandan sonra onu iş yerinə bərpa etməyiblər.
Jurnalistlərin suallarına cavab verən keçmiş müharibə iştirakçıları özünüməşğulluq proqramından ötrü müraciət etsələr də, bu məsələnin həll olunmamasından danışıblar.
Şikayətçilər dövlətin onlara sahib çıxmamasından gileyləniblər. “Bu ölkə varlılarındır. Onlar at oynadır, kasıblar isə Qarabağda bayraq qaldırıb, sonra acından ölürlər”, – şikayətçilərdən biri vurğulayıb.
Daha sonra şikayətçilər nazirliyə dəvət ediliblər. Onları Əmək və Əhalinin Sosial Müdafiəsi Nazirliyində qəbul ediblər.
Şikayətlərə, hələlik, bu nazirlikdən və başqa cavabdeh qurumlardan münasibət almaq mümkün olmayıb.
