class=”medianet-inline-adv”>
ABŞ və Səudiyyə Ərəbistanının təşəbbüsü ilə Ciddədə ikinci dəfə bir araya gələn və 7 günlük atəşkəsə razılaşan tərəflər, silahların susduğu son ana qədər rəqabətə davam etdilər. Bu axşam başlayacaq atəşkəsdən əvvəl Sudan ordusuna məxsus döyüş təyyarələri dünən paytaxt Xartumdakı HDK mövqelərini hədəfə alıb. Paytaxtda da artilleriya səsləri eşidilib. Bir qrup HDK üzvü Qətər səfirliyinə girərək qarət ediblər. Birləşmiş Ştatlar və Səudiyyə Ərəbistanı birgə bəyanatda tərəflərin atəşkəs qüvvəyə minməmişdən əvvəl “yerdə hərbi üstünlük əldə etməmək öhdəliyi götürdüklərini” xatırladıblar. Bəyanatda vurğulanıb ki, bu dəfə atəşkəsə əvvəlkilərdən fərqli olaraq beynəlxalq monitorinq mexanizmi nəzarət edəcək.
