Ailə, Qadın və Uşaq Problemləri üzrə Dövlət Komitəsi REPORTYOR.info-nun yazısına reaksiya verib. Söhbət Sabirabad Uşaq və Ailələrə Dəstək Mərkəzi ilə “Muğan SB” MMC arasında bağlanmış satınalma müqaviləsi barədə materialdan gedir.
Komitənin mətbuat xidmətinin rəhbəri Teymur Mərdanoğlunun açıqlamasını olduğu kimi təqdim edirik:
“Məlumat üçün Sizə bildiririk ki, Sabirabad Uşaq və Ailələrə Dəstək Mərkəzi tərəfindən 2021-ci il tədbirlərin təşkili üçün 12.03.2021-ci il tarixində elan edilmiş kotirovka sorğusu proseduru üzrə ən səmərəli təklif ilə “Mugan-SB” MMC (VÖEN: 6700513641) qalib elan olunmuşdur. Azərbaycan Respublikasının İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti kotirovka sorğusunun nəticələrini 02 aprel 2021-ci il AİBNDK 15/01-5/1477p saylı məktub ilə qeydə almışdır. Daha sonra qalib təşkilat ilə dəyəri 5450 manat təşkil edən müvafiq müqavilə imzalanmışdır.
Əlavə olaraq qeyd etmək istərdik ki, “Mugan-SB” MMC 08.04.2021-ci il tarixli 2005020075957500 saylı Azərbaycan Respublikasının İqtisadiyyat Nazirliyi yanında Dövlət Vergi Xidməti 5 saylı Ərazi Vergilər İdarəsinin dövlət satınalmalarda iştirak ilə əlaqədar verilən arayışa əsasən qalib təşkilatın vergi borcu qeydə alınmamışdır. Həmçinin, Mugan-SB” MMC 2014-ci ildən aktiv vergi ödəyicisidir.
Bu müqavilə əsasında keçiriləcək tədbirlərin siyahısını təqdim edirik:
Gül Bayramı tədbiri Uşaqların İstedadlarının üzə çıxarılması May 2021 Əl işlərinin hazırlanması üçün müxtəlif materiallar (rəngli saplar, qayçı,kley,rəngli kağızlar,rəngli karton və s.);
15 May Ailə Günü tədbiri Ailə günü ilə əlaqədar nümunəvi ailələrlə görüş May 2021 Nümunəvi ailələrə hədiyyələrin, bağlamaların və ehtiyacı olanlara sovqatların verilməsi;
1 İyun Uşaqların Beynəlxalq Müdafiəsi Günü tədbir Mərkəzdə uşaqların bayramını qeyd etmək İyun 2021 Uşaqlar üçün hədiyyələrin alınması, ehtiyacı olan uşaqların ailələrinə bağlama və sovqatların verilməsi;
Uşaqların yay iştirakının təşkili 3 günlük Uşaqların vaxtının səmərəli keçirilməsi İyul 2021 Uşaqları ailəvi əyləncə və istirahət mərkəzində nahar fasiləsi və iştirakçıların ailəvi əyləncə və istirahət mərkəzinə aparılıb gətirilməsi;
15 Sentyabr bilik günü Bilik günü münasibəti ilə rayon daxilində uşaqların həvəsləndirilməsi Sentyabr 2021 Bilik günü münasibəti ilə rayon daxilində ehtiyac duyulan uşaqlara məktəb ləvazimatlarının alınması;
1 Oktyabr Beynəlxalq Ahıllar Günü Ahıllar günü ilə bağlı ahılların ailələrinə səfərlər Oktyabr 2021 Ahıllar günü münasibəti ilə ahılların ailələrinə səfər edilməsi, ehtiyac duyulan ahıllara hədiyyə,bağlama və sovqatların verilməsi;
8 Noyabr Zəfər Günü Zəfər günü ilə bağlı şəhid,qazi və döyüşçü ailələrin diqqətdə saxlanması Noyabr 2021 Zəfər günü ilə bağlı şəhid,qazi və döyüşçü ailələrinə səfərlərin edilməsi,hədiyyə, bağlama və sovqatların verilməsi;
20 Noyabr Uşaqların müdafiəsi gününə həsr olunmuş tədbir Uşaqların Müdafiəsi Noyabr 2021 Uşaqlar üçün hədiyyələrin alınması, ehtiyac duyulan uşaqların ailələrinə sovqatların verilməsi;
3 Dekabr Əlillər günü Əlillərin cəmiyyətə inteqrasiya edilməsi Dekabr 2021 Ehtiyacıa uyğun ləvazimatların alınması;
31 Dekabr Dünya Azərbaycanlılarının Həmrəyliy Günü və Yeni il şənliyi tədbiri Mərkəzdə yeni il şənliyinin keçirilməsi”.
