Məşhur Hollivud aktyoru Leonardo Di Kaprio ilə bağlı yeni eşq iddiaları yayılıb. Onun britaniyalı aparıcı Maya Camla sevgili olduğu deyilir.
Reportyor.info xəbər verir ki, bu barədə “The sun” bildirir.
Nəşrin məlumatına görə, 48 yaşlı aktyor 28 yaşlı aparıcı ilə ortaq dostları vasitəsilə tanış olub və romantik jest olaraq ona qızılgül buketi göndərib. Cütlük birlikdə ilk dəfə Londonda şənlik zamanı görüntülənib. Daha sonra isə Nyu-Yorkda bir araya gələn ikili sonuncu dəfə Parisdə “Le Piaf” klubunun ətrafında dostlarının əhatəsində paparazzilərin kamerasına tuş gəlib.
“Leo və Maya daimi bir-biri ilə əlaqə saxlayırlar və onlar artıq bir neçə dəfə görüşüblər. Hər ikisi də bu yaxınlarda uzunmüddətli münasibətlərinə son qoyublar, buna görə də tələsmirlər. Onlar sadəcə bir-birilə vaxt keçirir və hər şeyin necə keçdiyini izləyirlər” – deyə məlumatda qeyd olunub.
Həmçinin əlavə olunub ki, Di Kaprio ilə Cama fərqli ölkələrdə yaşayır və uzaq məsafədə münasibət qurmağın çətin olmasının fərqindədirlər.
Qeyd edək ki, Leonardo Di Kaprio ötən il sevgilisi model Kamilla Morrone ilə münasibətinə son qoyub. Bundan sonra aktyorun supermodel Cici Hadid və gənc model Eden Polani ilə eşq yaşaması ilə bağlı şayiələr yayılmışdı.
