Dənizdə koronavirusa yoluxma çox da real deyil.
Modern.az xəbər verir ki, bu barədə Türkiyənin Ege Universiteti Tibb Fakültəsi Xəstəxanası Yoluxucu Xəstəliklər Şöbəsinin professoru Hüsnü Pullukçu açıqlama verib.
“Dənizdən nəyinsə yoluxması çox da mümkün deyil. Dəniz izotonik sudan ibarətdir. Onun tərkibində o qədər çox su molekulları var ki, hər şey o suyun içində dərhal dağılır. İnsan orqanizminə düşən 1-2 virusla infeksiyadan xəstələnmək mümkün deyil. Dənizdən virusa yoluxa biləcəyimizi düşünmürəm”,- deyə Hüsnü Pullukçu bildirib.
Professor bildirib ki, qarşıdakı həftələrdə havanın temperaturu 30 dərəcədən yuxarı qalxacaq: “Bu zaman yoluxma səngiyəcək. Yoluxma sayı azalacaq. Çimərlik və hotellərdə sosial məsafəyə, gigiyenik qaydalara əməl olunsa, böyük problemlər yaşanmayacaq”.
