İran və Səudiyyə Ərəbistanı arasında 7 ildən sonra diplomatik əlaqələri bərpa etmək üçün tarixi razılaşmaya vasitəçilik edən Pekin rəhbərliyi bu dəfə Fələstin və İsrailin tərəfinə keçib. Çinin xarici işlər naziri Qin Qang İsrail və Fələstinli həmkarları ilə telefon danışığı keçirərək iki ölkə arasında sülh danışıqlarının bərpası üçün vasitəçilik etməyi təklif edib.
İsrailin xarici işlər naziri Eli Koenlə görüşündə Qin bildirib ki, Çin İsrail və Fələstin arasında mövcud gərginlikdən narahatdır və hazırkı prioritet vəziyyəti cilovlamaq və zorakılığın böyüməsinin və hətta nəzarətdən çıxmasının qarşısını almaqdır. Bütün tərəflərin sakitliyini qorumalı, təxribatçı söz və hərəkətlərə son qoymalı olduğunu deyən Qin münaqişədən əsas çıxış yolunun sülh danışıqlarının bərpası və “iki dövlətli həll”in həyata keçirilməsi olduğunu vurğuladı.
“Doğru olanı etmək üçün heç vaxt gec deyil” dedi Qin. Çin Prezidenti Si Cinpinin dünyada təhlükəsizliyin təmin edilməsi prinsiplərini özündə ehtiva edən Qlobal Təhlükəsizlik Təşəbbüsünü təqdim etdiyini deyən Qin, Çinin İsrail-Fələstin münaqişəsinin həllinin açarının ümumi təhlükəsizlik baxışını dəstəkləmək olduğuna inandığını bildirib. Qin vurğulayıb ki, Səudiyyə Ərəbistanı və İranın diplomatik əlaqələri bərpa etmək qərarı ilə onlar dialoq yolu ilə fikir ayrılıqlarının aradan qaldırılması üçün yaxşı bir nümunə göstərdilər. Qin həmçinin ümid etdiyini bildirib ki, bütün tərəflər dialoqu inkişaf etdirmək, İranın nüvə məsələsi üzrə Birgə Hərtərəfli Fəaliyyət Planını həyata keçirmək, Yaxın Şərqdə sülh və əmin-amanlığı qorumaq üçün fürsətdən istifadə edəcəklər. Qin vurğulayıb ki, Çin İsraillə bütün səviyyələrdə əlaqələri gücləndirməyə, qarşılıqlı siyasi etimadı artırmağa və qarşılıqlı faydalı əməkdaşlığı təşviq etməyə hazırdır.
Qin fələstinli həmkarı Riyad əl-Maliki ilə görüşündə Çinin iki ölkə arasında danışıqların bərpasında fəal rol oynamağa hazır olduğunu bildirib.
class=”medianet-inline-adv”>
İSRAİLDƏN CAVAB
Görüş zamanı İsrailin xarici işlər naziri Koen Çinə İsrail-Fələstin münaqişəsinin həllini dəstəkləmək istəyinə görə təşəkkür edib. Koen İsrailin mövcud vəziyyəti sabitləşdirməkdə qərarlı olduğunu, lakin problemi qısa müddətdə həll etməyin mümkün olmadığını bildirib. Koen bildirib ki, İsrail Çinin təsirinə və İranın nüvə məsələsinə böyük əhəmiyyət verir və Çinin müsbət rol oynamasını gözləyir. Covid-19 epidemiyasından sonra Çin və İsrail arasında mədəniyyət, turizm və digər sahələrdə əməkdaşlığın tam bərpasını səbirsizliklə gözlədiyini ifadə edən Koen, ikitərəfli əlaqələrin inkişafı üçün Çin ilə yaxından işləməyə hazır olduğunu qeyd etdi.
