Cənubi Koreya Baş Qərargahından verilən açıqlamada yerli vaxtla 11.52-13.49 arasında 4 Çin və 4 Rusiya hərbi təyyarəsinin Cənubi Koreyanın Hava Hücumundan Müdafiə və Tanıma Bölgəsinin (KADIZ) cənub və şərq bölgələrinə daxil olduğu bildirilib. Ölkənin hava məkanının pozulmadığı vurğulanan açıqlamada, Cənubi Koreya ordusunun KADİZ-ə girməzdən əvvəl Çin və Rusiya təyyarələrini təsbit etdiyi və ola biləcək qəzaların qarşısını almaq üçün döyüş təyyarələrini havaya qaldırdığı bildirilib.
Hadisə ABŞ, Yaponiya və Cənubi Koreyanın müdafiə nazirlərinin keçən həftəsonu Sinqapurda keçirilən illik təhlükəsizlik konfransı Şanqri-La Dialoqu çərçivəsində üçtərəfli təhlükəsizlik əməkdaşlığını gücləndirmək öhdəliyi götürdükdən dərhal sonra baş verib.
HAVA MƏKANINDAN FƏRQLİ
Beynəlxalq hüquqda heç bir tərifi olmayan və hava məkanından fərqli olan Hava Hücumundan Müdafiə və İdentifikasiya Sahəsi (ADIZ) ümumiyyətlə ölkələr tərəfindən birtərəfli qaydada elan edilir. Tanıma zonası yaxınlaşan hərbi təyyarələri hərbi təhlükə kimi aşkar etmək və xəbərdar etmək üçün istifadə olunur. ADIZ həm də ölkənin milli təhlükəsizlik maraqları istiqamətində istənilən təyyarəni aşkar edib izləməyə çalışdığı bölgə kimi də tanınır.
