2023-cü il qlobal temperaturun yüksəlməsinə görə planetimizdə ən isti il ola bilər.
Alimlər xəbərdarlıq edirlər ki, bu il qlobal temperaturun sıçrayışı səbəbindən ən isti ili ola bilər.
Ekspertlərin qiymətləndirməsinə görə, iyun ayında qlobal temperatur rekord həddə yüksəlib. İstinin 1979-cu ildən bəri hər zamankindən demək olar ki, bir dərəcə yüksək olduğunu söyləyən alimlər yaxın aylarda əvvəllər istilərin müşahidə olunmadığı bölgələrdə də temperaturun kəskin sıçrayışını gözləyə biləcəyimizi qeyd edirlər.
Pensilvaniya Universitetinin iqlimşünası Maykl Mann izah edib ki, qlobal səth temperaturu anomaliyası hazırda rekord səviyyələrdə və ya ona yaxındır və 2023-cü ilin rekord səviyyələrdə ən isti il olacağı demək olar ki, dəqiqdir. İqlimşünaslar 2023-cü ilin mayının artıq 174 ildə üçüncü ən isti ay olduğunu deyirlər.
Ümumdünya Meteorologiya Təşkilatı xəbərdarlıq edib ki, El- Nino (Sakit Okeanın ekvatorial səth sularının temperaturu dəyişkənliyi, iqlimə nəzərəçarpacaq dərəcədə təsir göstərir) və həmçinin emissiyalar səbəbindən qarşıdakı beş il ərzində qlobal temperaturun kəskin yüksəlməsi ehtimalı var.
Əlavə edək ki, alimlərin son məlumatlarına görə, Yer kürəsində qlobal istiləşmənin qarşısını yalnız bir sıra ölkələr qətiyyətlə hərəkət etməyə başlasalar, almaq olar. Mütəxəssislər əmindirlər ki, Çin və Hindistan 5 ildən sonra kömürdən imtina etməyə başlasalar, 2 dərəcə istiləşmədən qaça biləcəklər. Amma bu, bir şərtlə ki, imtina nisbəti Almaniyanın göstəricisini üstələsin və Böyük Britaniya səviyyəsində olsun.//Lent.az
