gün Paris-2024 Yay Olimpiya Oyunlarında 5-ci gündür.
QOL.az xəbər verir ki, bu gün Azərbaycanın 3 idmançısı və 1 milli komandası mübarizə aparacaq.
Cüdo
Elcan Hacıyev 1/16 finalda Türkiyə təmsilçisi Mixael Zqankla üz-üzə gələcək. Elcanın rəqibi Avropa Oyunlarının qalibi, Böyük dəbilqənin qızıl və altıqat bürünc mükafatçısı, İslam Həmrəyliyi Oyunlarının, Aralıq Dəniz Oyunlarının qalibidir. O, həmçinin dünya çempionatında da gümüş mükafat qazanıb. Zqank dünya reytinqində 8-cidir.
Cüdo yarışları saat 12:00-da başlayacaq.
Akademik avarçəkmə
Dünən 1/4 finalda mübarizəyə başlayan təmsilçimiz Diana Dımçenko 6-12-ci yerlər uğrunda yarışacaq.
Avarçəkmə yarışlarının saat 12:14-də start götürməsi planlaşdırılır.
Badminton
Badmintonçumuz Edi Reski Dviçayo E qrupundakı ikinci görüşündə danimarkalı Anders Antonsen səddini keçməyə çalışacaq. Edi ilk görüşündə avstriyalı Kollins Filimona qalib gəlib. Antonsen fərdi olaraq Avropa Oyunlarının qalibi, ikiqat Avropa çempionu, həmçinin qitə çempionatının ikiqat gümüş mükafatçısıdır. O, 4 dəfə qarışıq komandaların Avropa çempionatında, 4 dəfə isə kişilərdən ibarət komandaların Avropa çempionatında qalib olub.
Bu oyunların saat 18:30-da başlayacağı gözlənilir.
3×3 basketbol
Azərbaycanın qadınlardan ibarət 3×3 basketbol millisi ABŞ yığması ilə qarşılaşacaq. Millimiz ötən gün ilk matçında İspaniyaya məğlub olub – 16:18.
ABŞ yığması Tokio-2020 Yay Olimpiya yunlarının qalibidir. Komanda dünya çempionatlarında 3 qızıl, 1 bürünc Pan Amerika Oyunlarında 2 qızıl, Amerika Kubokunda 2 qızıl, 1 bürünc və gənclər arasında keçirilən Olimpiya Oyunlarında 2 qızıl, 1 bürünc medal qazanıb.
Matçın saat 23:30-da start götürməsi nəzərdə tutulur.
