Naxçıvan Muxtar Respublikasının Dövlət Baytarlıq Xidməti ləğv edilib.
Reportyor.info xəbər verir ki, bununla bağlı Naxçıvan Muxtar Respublikası Ali Məclisinin Sədrinin birinci müavini, sədrin səlahiyyətlərini icra edən Azər Zeynalov fərman imzalayıb.
Fərmana əsasən, Xidmətin şəhər və rayonlarda yerləşən əmlakı ştat vahidləri ilə birlikdə Naxçıvan Muxtar Respublikasının Kənd Təsərrüfatı Nazirliyinə verilib.
Azər Zeynalovun digər fərmanı ilə Naxçıvan Muxtar Respublikasının Kənd Təsərrüfatı Nazirliyinin regional dövlət aqrar inkişaf mərkəzləri yaradılıb. Belə ki, nazirliyin tərkibində Naxçıvan Regional Dövlət Aqrar İnkişaf Mərkəzi, Şərur Regional Dövlət Aqrar İnkişaf Mərkəzi və Culfa Regional Dövlət Aqrar İnkişaf Mərkəzi fəaliyyətə başlayıb.
