Suriyanın Tel Rıfat bölgəsində terrorçu PKK/PYD qruplaşması Türkiyənin hərbi hissəsinə hücum edib.
Virtualaz.org türk mətbuatına istinadən bildirir ki, hücum zamanı iki hərbiçi şəhid olub, üçü isə yaralanıb.
Bildirilir ki, şəhid olan əsgərlər Yunus Mermer və Abdulhamit Bilgendir. Yaralılar isə təcili tibbi yardım maşını ilə Kilis şəhərindəki xəstəxanaya aparılıb.
Qeyd edək ki, Türkiyə hərbiçilərinə hücum oktyabrın 11-də olub. Oktyabrın 9-da Türkiyə Silahlı Qüvvələri Suriya Milli Ordusu ilə birlikdə Suriyanın şimalında “Barış bulağı” adlı antiterror əməliyyatına başlayıb. Əməliyyatlar zamanı 342 terrorçu zərərsizləşdirilib.
