Bakının Nəsimi rayonunda iki kişi arasında yaranan mübahisə sonda cinayətlə nəticələnib.
Hadisə ötən ilin noyabrın 17-də baş verib. Quba rayon sakini, 1992-ci il təvəllüdlü Elxan həmin gün saat 17 radələrində tanışı Məmmədlə aralarında olan şəxsi münasibətlərin pozulması nəticəsində mübahisə edib.
Baş vermiş mübahisə zamanı təqsirləndirilən şəxs yumruq və təpik zərbələri ilə qəsdən zərərçəkmiş şəxsin bədəninin müxtəlif nahiyyələrinə vurub. Ona müxtəlif dərəcəli bədən xəsarətləri yetirib.
Hadisəni törədən Elxanın barəsində Cinayət Məcəlləsinin 128-ci (qəsdən sağlamlığa zərər vurma) maddəsi ilə ittiham elan edilib.
İş üzrə ifadə verən təqsirləndirilən şəxs ona elan olunmuş ittiham üzrə özünü təqsirli bilib. O, ifadəsində göstərib ki, noyabrın 17-də, saat 17 radələrində zərərçəkmiş şəxs ilə təsadüfən qarşılaşıb: “Ona mobil telefonda nə üçün məni söydüyümü bildirdi. Məmməd isə yaxşı etdiyini bildirdi. Mən də əsəbləşdiyimdən onun sol sifət nahiyyəsinə bir dəfə yumruqla və ayağına təpiklə bir dəfə vurdum. Sonra həmin ərazini tərk etdim”.
İş üzrə zərərçəkmiş Məmmədin sözlərinə görə, təqsirləndirilən şəxsi Qaradağ rayonunda yerləşən otelə müştəri aparan zaman tanıyıb və həmin dövrlərdə Elxan oteldə işləyib: “Daha sonra aramızda normal münasibət yarandı. Elxanı bir müddətdən sonra işdən çıxartdılar. Qabaqcadan mən həmin oteldə otaqlar kirayələmişdim. Azərbaycana gələn xarici vətəndaşları həmin otelə yerləşdirdim. Lakin mən Elxan şdən çıxıdığı üçün köməklik məqsədilə qazancımın müəyyən bir hissəsini zəng edərək ona vermək istəmişəm. Lakin o, məndən qazandığım məbləğin yarısını istədi. Elxana buna haqqı olmadığını bildirdim. Bu zaman onu nalayiq sözlərlə təhqir etdim. Bizim münasibətlərimiz sona çatdı”.
Təqsirləndirilən şəxs qeyd edib ki, məlum hadisə günü saat 17 radələrində Nəsimi rayonunda olan zaman Təqsirləndirilən şəxslə rastlaşıb: “Elxana mənə “yaxşı əlimə düşdün” deyərək keçmişdə aramızda yaranmış mübahisəni əsas gətirdi və məni marketin avtomobil dayancağına, heç kim olmadığı tərəfə apardı. Üzərimə hücum edərək sifətimin sol hissəsinə zərbələr endirdi və ayağıma vurd. Mən təqsirləndirilən şəxsi döyməmişəm, ona bədən xəsarəti yetirməmişəm. O, məni döyən zaman orada bizdən başqa heç kim olmayıb. Hadisə ümumilikdə təxminən 1-2 dəqiqə müddətində davam etdi”.
Bu cinayət işinə Nəsimi Rayon Məhkəməsində baxılıb. Məhkəmə araşdırması zamanı məlum olub ki, təqsirləndirilən şəxs zərərçəkmişlə barışıb. Zərərçəkəndə ona qarşı şikayətini geri götürüb. Bu səbəbdən Elxanın barəsində olan cinayət təqibinə xitam verilib. O, cinayət məsuliyyətindən azad edilib.
