Bakıda səkiləri zəbt edən avtomobillər – VİDEOREPORTAJ

Bənzər Yazılar

Sabahın havası: Yağış, qar yağacaq

Məlahət Mürşüdlü vəfat etdi

Nazirlik Kəlbəcərdəki qızıl yatağı məsələsinə tam aydınlıq gətirdi ÖLKƏ 28.11.2020, 12:25 Noyabrın 25-də 27 illik erməni işğalından azad edilən Kəlbəcər rayonunda yerləşən Söyüdlü (ermənilər “Zod” adlandırır – red.) yatağının hansı tərəfdə qalacağı mübahisələrə səbəb olub. Qeyd edək ki, 112 ton qızıl ehtiyatları olan yataq Cənubi Qafqazda başqa yataqlarla müqayisədə ən yüksək iqtisadi göstəricilərə malikdir – 1 ton filizdə 7,3 qram qızıl. Qaynarinfo xəbər verir ki, Azərbaycan Ekologiya və Təbii Sərvətlər Nazirliyinin Milli Geoloji Xidmətinin rəisi Əli Əliyev Turan-a açıqlamasında yataqla bağlı bir çox məqamlara aydınlıq gətirib. Onun sözlərinə görə, Azərbaycan və Ermənistan arasındakı dövlət sərhədi SSRİ vaxtında keçən xətlə bölündüyü təqdirdə “Zod-Söyüdlü qızıl mədəninin 74%-i Azərbaycanın Kəlbəcər rayonu ərazisində, qalanı Ermənistanda qalacaq: “Bu yataqda aşqar azdır, qızıl tərkibi çoxdur. Onu istismar etmək asandır. Qafqazın bu ən böyük yatağının tərkibində qızıl az olan hissəsi Ermənistanda yerləşir. Bunu bilən erməni biznesmenlər Kəlbəcər rayonunun işğalından istifadə ediblər və intensiv olaraq məhz zəngin Azərbaycan hissəsində, böyük sahədə işləyiblər, bizim zonadan mümkün qədər çox filiz çıxarmağa çalışıblar. Ermənilər yatağın bizə məxsus olan hissəsini məhv etməyə çalışıblar ki, bizə heç nə qalmasın. Amma əminəm ki, 27 illik işğaldan və vəhşicəsinə mənimsənildikdən sonra da Söyüdlü yatağı boş deyil. Biz yaxın aylarda bu zonanın monitorinqinə, ziyanın qiymətləndirilməsinə başlayacağıq”. Nazirlik rəsmisi bildirib ki, adıçəkilən yatağın istismarı perspektivlərinin müəyyən texnoloji və digər spesifik məqamları var: “Bizim son illər “Zod” (“Sot”) yatağında operator olan Rusiya şirkəti ilə əlaqəmiz olmayıb. Noyabrın 25-dən etibarən Azərbaycan yatağın əsas hissəsi üzərində hüquqlarını özünə qaytarır”. Əli Əliyevin sözlərinə görə, noyabrın 27-də nazirlikdə digər qızıl yatağı – Azərbaycanın Zəngilan rayonunda yerləşən Veynəli ilə bağlı müzakirələr aparılıb: “Biz onunla bağlı bütün məsələləri qaldırmışıq və artıq yaxın günlərdə onun vəziyyətinin monitorinqinə və qiymətləndirilməsinə başlayacağıq”. Ağdərə (Tərtər rayonunun ərazisi) yaxınlığındakı “Qızılbulaq” yatağına gəlincə, nazirlik nümayəndəsinin sözlərinə görə, Tərtər rayonunun qalan hissəsi azad edildikdən sonra o da Azərbaycanın yurisdiksiyasına düşür: “Bu üç yataq – Söyüdlü, Veynəli və Qızılbulaq 1997-ci ilin avqustunda RV İnvestment-lə imzalanmış PSA müqaviləsinə daxildir. Biz özümüz ilkin monitorinq və qiymətləndirmə apardıqdan sonra bu şirkətin mütəxəssislərini bu yataqların vəziyyətinin qiymətləndirilməsinə cəlb edəcəyik. Azərbaycan prezidentinin sərəncamı ilə yaradılmış azad edilmiş ərazilərdəki aktivlərin qiymətləndirilməsi üzrə komissiya fəal işə başlayıb və biz onun işinin, o cümlədən filiz yataqları ilə bağlı işinin nəticələrini daha sonra bölüşəcəyik”.

Bakı. 7 may. REPORT.AZ/ Bakı şəhərində avtomobillərin piyada səkilərini zəbt etməsi adi hala çevrilib.

“Report”un əməkdaşının paytaxtın müxtəlif yerlərində apardığı müşahidələr bu problemin hələ də həll olunmadığını göstərir.

Bakının Səbail və Nəsimi rayonlarında piyada səkilərində avtomobillərin saxlanılmasına daha çox rast gəlinir.

Şəhərin mərkəzində yerləşən Tolstoy küçəsinə daxil olmaq kifayətdir ki, bu mənzərənin şahidi olasan. Əjdər İbrahimov küçəsində isə piyada səkiləri tamamilə avtomobillər tərəfindən tutulur.

Gecə saatlarında xüsusən restoranlara gələnlər nəzarətin olmamasından istifadə edərək Nizami küçəsində və Səməd Vurğun adına Azərbaycan Dövlət Rus Dram Teatrının qarşısında piyadalar üçün nəzərdə tutulan səkilərdə avtomobillərini park edirlər.

Gündüz saatlarında həmin ərazilərdə parklanmaya cavabdeh olan şəxslər isə səkilərin zəbt olunmasını qəribə səbəblə izah edirlər. Onlar bunu avtomobillərin çox olması və şəhərdə, xüsusilə mərkəzdə parklanma yerlərinin olmaması ilə əlaqələndirirlər.

Piyadalar isə bu vəziyyətdən ciddi əziyyət çəkirlər və narazılıq bildirirlər. Onların fikrincə, piyada səkilərində avtomobil saxlayan sürücülərə qarşı ciddi ictimai qınaq olmalıdı.

Avropadan Azərbaycana gələn turistlər də piyada yollarında avtomobil saxlanmasına təəccübləndiklərini deyiblər. Onların sözlərinə görə, Avropada avtomobilini səkilərdə park edən sürücülər sərt formada cəzalandırılır. Turistlər Avropa ölkələrində bu cür halların baş vermədiyini bildirirlər.

Bakı şəhər Baş Polis İdarəsinin Dövlət Yol Polisi İdarəsinin Yol Hərəkətinin Təhlükəsizliyinin Təbliği və İctimai qurumlarla Əlaqə bölməsinin rəisi, polis polkovniki Vaqif Əsədov “Report”a açıqlamasında bildirib ki, avtomobillərin səkiləri zəbt etməsi problemini daim diqqətdə saxlayırlar: “Etiraf etmək lazımdır ki, bu gün şəhərin mərkəzində dayanma, durma və ya saxlanma tələblərini pozma suni sıxılığın və tıxacların yaranmasına səbəb olur. Təbii ki, tərəfimizdən təsirli tədbirlər görülür və gələcəkdə də görüləcək. Əgər bu istiqamətdə tədbirlər görməsək, çox gümüna ki, Bakıda hərəkət dayanar. Bunu etiraf etmək lazımdır”.

O deyib ki, sürücülər özləri parklanma, dayanma-durma qaydalarına əməl etməlidirlər: “Sürücülər yol polisinin müdaxiləsi olmadan da qanunvericilikdə nəzərdə tutulmuş tədbirləri yerinə yetirməlidirlər. Bu gün piyadaların hərəkəti üçün nəzərdə tutulmuş səkilərdə, yolların kəsişmə nöqtəsinə yaxın yerlərdə, zebra xətti üzərlərində, ümumiyytlə, qadağan edilmiş ərazidə avtomobillərin park edilməsi yolun daralmasına səbəb olur. Bu da həmin ərazidən keçən digər avtomobillərin hərəkətinə mane yaradır. Qanunvericilikdə dayanma-durma ilə bağlı konkret tələblər və cərimələr var. Avtobus duracaqlarının tutulması ilə bağlı inzibati tənbeh tədbiri keçirilərəkən 40 manat məbləğində cərimə yazılır. Avtomobilini qadağan edilmiş ərazilərdə saxlayan sürücülər isə 20 manat cərimə olunurlar”.

V.Əsədovun sözlərinə görə, hazırda Bakıdakı ən ciddi problemlərdən bir də avtobus dayanacaqlarının qeyri-qanuni zəbt edilməsidir: “Həmin dayanacaqların taksi sürücüləri tərəfindən tutulması da bizi böyük problemlərlə üzləşdirir. Çünki bu avtobusların dayanacaqda düzgün dayanmasına mane yaradır. Bunu edən sürücü isə cərimələnir. Həmçinin sərnişinlərin düşüb-minməsinə də mane yaradır və yol da daralır. Son illər dayanma-durma ilə bağlı məsələlər öz həllini tapıb. Yəni paytaxtın mərkəzində 70-dən artıq küçə və prospektlər üzrə 300-dən artıq parklanma yeri var. Bundan başqa, Bakı şəhəri ərazisində 7-dən artıq yeraltı avtomobil duracağı var ki, bu da on minlərlə avtomobilin park edilməsinə şərait yaradır”.