Bu gün Bakıda, Məhsul stadionunda (İnşaatçılar metrostansiyasının yanı) müxalifətin növbəti mitinqi keçirilib. Milli Şura və Müsavat Partiyası birgə mitinqi Bakı Şəhər İcra Hakimiyyəti (BŞİH) ilə razılaşdırılıb və saat 15:00-dən 17-dək davam edib. Mitinqin əsas tələbləri bunlar olub “Azad seçki!”, “Monarxiyaya son!”, “Korrupsiyaya yox!”. Mitinqdə həmçinin “Erməni terrorunu lənətləyirik!” şüarı səsləndirilib və beynəlxalq birlikdən Ermənistanın Azərbaycana qarşı təcavüzünə, soyqırım aktlarına qiymət verilməsi tələb olunub.
Reportyor.info xəbər verir ki, müxalifətin 31 mart mitinqinin aparıcısı bu dəfə də AXCP Rəyasət Heyətinin üzvü İlham Hüseynli olub.
İlk çıxışı AXCP sədri Əli Kərimli edib. O, çıxışında əvvəlcə 31 mart soyqrımından danışıb, erməni terrorunu lənətləyib, dünyanın erməni terroruna göz yummaqda ittiham edib.
Reportyor.info
Discussion about this post