Türkiyənin təhlükəsizlik sektorunda fəaliyyət göstərən «Ekin Teknoloji Sanayi ve Ticaret» şirkətinin Bakı metrosunda qurraşdırdığı kameralar vasitəsilə axtarışda olan şəxs tutulub.
Reportyor.info unikal.org-a istinadən xəbər verir ki, Ekin Texnologiya İdarə heyətinin rəhbəri Akif Ekin bildirib ki, sözügedən kameralar vasitəsilə Azərbaycanda axtarışda olan bir adamın metroya mindiyi məlum oldu. Hüquq-mühafizə orqanları Bakı metrosunda əməliyyat təşkil edərək sözügedən şəxsi tutdular.
Akif Ekin həmçinin deyib ki, Bakı metrosunda sözügedən kameralar vasitəsilə daha bir hadisənin qarşısı alınıb. O deyib ki, Bakıda ailəsi tərəfindən axtarılan uşaq Ekin Teknoloji şirkətinin üz tanıma sistemiylə tapılıb: “Bakı metrosuna girən bir uşaq üz tanıma sistemiylə araşdırıldı. Onun itən bir uşaq olduğu təsdiq edilərək ailəsinə qovuşdu”.
