“Pandemiyadan sonra hava xətlərinin açılmasından istifadə edən AZAL yenə vətəndaşları talan edəcəyinə şübhə etmirəm. Artıq Tiflisdən İstanbula biletin dəyərinin 110 manat olduğu halda Bakıdan İstanbula 800 manat, Bakı-Moskva biletinin qiyməti isə 1000 manatdan da artıqdır. Bu əsl talançılıqdır”.
Reportyor.info məlumat verir ki, bunu vəkil Aslan İsmayılov yazıb.
Onun sözlərinə görə, ən dəhşətlisi də odur ki, Gürcüstan hava xətləri özəldir və büdcədən heç bir dəstək almır:
“AZAL isə dövlət mükiyyəti hesab olunur və qiymət bahalığından savayı həm də dövlət büdcəsindən yüz milyonlarla ödəmələr hesabına xalqı talan edir. Qazanan isə Cahangir Əsgərov və ətrafıdır.
Sosial şəbəkə istifadəçilərindən bu mövzunu daim gündəmdə saxlamalarını xahiş edirəm. Biz susduqca bizi talan edəcəklər. Büdcəni doldurmaq üçün bizə Şanlı Qələbə qazandırmış əsgər və zabitlərimizin ciblərinə də girəcəklər, necə ki, girirlər”.
