Yeni yaradılan “Regional Hüquqi və İqtisadi Maariflədirmə ”İB ilk tədbirini 8Mart Beynəlxalq Qadınlar günü ərəfəsində şəhid ailələri ilə birlikdə keçirib və İB-nin rəhbərliyi qadınlarımızla bağlı layihələrdə fəal çalışacaqlarını bildirib.
Reportyor.info xəbər verir ki, Arzu Bağırovanın rəhbərlik etdiyi “Regional Hüquqi və İqtisadi Maariflədirmə” İB-nin tədbirində dövlət rəsmiləri, ombudsman, millət vəkilləri, ölkənin ictimai-siyasi xadimləri, ziyalıları, sənətçiləri iştirak edib. Təşkilatın sədri Arzu Bağırova bütün xanımları 8 Mart Beynəlxalq Qadınlar günü münasibətilə təbrik edib. O, şəhidlərimiz kimi, onların anaları, xanımları, övldları da bizim üçün çox qiymətlidir deyib. Arzu Bağırova ölkəmizdə qadınlara yaradılan şəraaitdən danışıb və bildirib ki, bu gün ölkəmizin bütün sahələrində qadınlarımızın fəallığının daha da artması ölkə prezidentinin yürütdüyü siyasət, 1-ci vitse-prezident Mehriban xanım Əliyevanın qadınlara hər zaman verdiyi böyük dəstəklə birbaşa bağlıdır: “Ümummilli liderimiz Heydər Əliyevin qadınların cəmiyyətdə rolunun genişləndirilməsi ilə bağlı siyasətinin bu gün də ölkəmizdə yüksək səviyyədə davam etməsi bütün qadınlarımızın yüksək qiymətləndirir. Biz qadınlar da qarşıdan gələn seçkilərdə cənab prezidentimizin ətrafında sıx birləşərək ölkəmizin gələcəyi naminə daha böyük inamla çalışacağıq”.
Tədbirdə çıxış edən Ailə, Qadın və Uşaq Problemləri üzrə Dövlət Komitəsinin 1-ci müavini Sədaqət Qəhrəmanova qadınların cəmiyyətdə rolunun genişləndirilməsi istqamətində həyata keçirilən işlərdən danışıb və Ailə, Qadın və Uşaq Problemləri üzrə Dövlət Komitəsinin hər zaman qadınlarımıza dəstəklə bağlı yaradılan qurumlara dəstək olduğunu bildirərək Arzu Bağırovanı yeni təşkilat münasibəti ilə təbrik edib: “Biz sizi bölgələrimizdə qadınlarımızla bağlı layihələrdə fəal görmək istəyirik”.
Ombudsman Elmira Süleymanova şəhid analarımız və xanımlarının tədbirdə iştirak etməsini xüsusi yüksək qiymətləndirib və “onlar bütün məclislərdə bu gün burada olduğu kimi xüsusi diqqətimizdə olmalıdır deyib”, şəhidlərimizin və onların ailələrin in qəhrəmanlığından xüsusi danışıb. Arzu Bağırovaya rəhbərlik etdiyi təşkilatın bu istiqamətdə fəaliyyətində uğurlar diləyən Ombudsman qadınlarımızla bağlı məsələlərdə rəhbərlik etdiyi təşkilatın hər zaman ictimai təşkilatlarla fəal əməkdaşlıq etdiyini bildirib.
Millət vəkilləri Qənirə Paşayeva, Elmira Axundova, Rəfael Hüseynov da çıxış edərək qadınlarımızın hüquqi və iqtisadi maarifləndirilməsinin daha da genişlənməsində ictimai təşkilatlar fəallığına böyük ehtiyac olduqlarını deyiblər və Regional Hüquqi və İqtisadi Maariflədirmə ”İB-nin bu istiqmətdə fəal olacağına inandıqlarını bildirərək Arzu Bağırovanı təbrik edib, ona uğurlar diləyiblər. Qənirə Paşayeva çıxışında bildirib ki, qadınlarımız Ali Baş Komandan cənab Prezident İlham Əliyevin rəhbərliyi altında torpaqlarımızın işğaldan azad olunacağına və bütün şəhidlərimizin ruhunun o zaman sakitlik tapacağına əmindirlər: “O gün uzaqda deyil. İnşallah torpaqlarımızı işğaldan azad edəcəyik və şəhidlərimizin də ruhu şad olacaq”.
Respublika Şəhid Anaları Cəmiyyətinin sədri, Milli Qəhrəman Gültəkin Əsgərovanın anası Rəfiqə Əsgərova şəhid ailələri adından çıxış edərək cənab Prezidentin və 1-ci vitse-prezidenti Mehriban xanın Əliyevanın şəhid ailələrinə diqqət və qayğısını xüsusi vurğulayıb və şəhid ailələrini hər zaman diqqətdə saxlayan “Regional Hüquqi və İqtisadi Maariflədirmə ”İB kimi təşkilatlara uğurlar arzulyıb.
Tanınmış ziyalılarımız böyük şairimiz Nəriman Həsənzadə, professor İradə Hüseynova və Rəna Mirzəzadə də çıxış edərək təşkilata uğurlar diləyiblər. Tədbirdə tanınmış sənətkarlarımız Mənsum İbrahimov, Nisə Qasımova, Lalə Məmmədova, Nuriyyə Hüseynova, Novruz Novruzlu, Oya Ergün, Əkbər, Hüsniyyə Mürvətova da öz ifaları ilə qonaqları təbrik ediblər.
