“Skyscanner” turist axtarış sisteminin ekspertləri 2019-cu ildə məzuniyyət keçirmək üçün ən çox büdcəli ölkələrin reytinqini tərtib edib.
“Report” Rusiya KİV-inə istinadən xəbər verir ki, ekspertlər reytinqin tərtibi zamanı 2 nəfər üçün iki həftəlik müddətə səyahətçilərin, demək olar, bütün xərclərini – uçuş xərcləri, yaşayış qiyməti (orta hesabla), qidalanma və əyləncə üçün xərcləri nəzərə alıblar.
Belarus 1,38 min dollar (uçuşa görə 325 dollar) büdcə ilə reytinqin birinci sırasında qərarlaşıb. Səyahətin dəyəri 1,44 min dollar təşkil edən Moldova ikinci yerdədir.
Azərbaycan bu reytinqdə 10-cu yeri tutub. “Odlar Yurdu”na səyahət 1,72 min dollara başa gələcək ki, bunun da 530 dolları uçuş xərcidir.
