Xəbər verdiyimiz kimi Ukranyananın yeni prezidenti Vladimir Zelenski Ali Radada andiçmə mərasimində dövlət məmurları qarşısında maraqlı tələb qoyub. 42 yaşlı prezident bütün yüksək vəzifəli şəxslərdən onun portretini kabinetlərinə asmamağı tələb edib.
Məsələ ilə bağlı politoloq Məhəmməd Əsədullazadə “Yeni Sabah”a danışarkən deyib ki, hər bir dövlətin idarə olunma sistemi var:
“Bundan əlavə, hazırkı demokratikləşən və qloballaşan dünyada hər bir dövlət və xalq öz tarixi şəxsiyyətini, siyasi liderini əbədiləşdirir. Bu, hər bir ölkə üçün keçərlidir. Bir qayda olaraq dövlət strukturlarında dövlət başçılarının portretlərini də vururlar. Bu, prezidentin dövlətin simvolu anlayışıdır”.
M.Əsədullazadə qeyd edib ki, demokratiya inkişaf etdikcə bu kimi məsələlər də arxa fona keçir:
“Ukraynada Zelinskinin öz portretlərinin əvəzinə, övladlarının şəklini vurmasını tapşırması əsasən xalqa bununla daha da yaxın olmağı, xidmət etməyi tapşırır. Bu, Ukrayna demokratiyasının onlara verdiyi dəyərdi. Azərbaycanda da bunun tətbiqi mümkündür. Amma gərək siyasi hakimiyyət buna getməlidir”.
Discussion about this post