Əməkdar artist Aybəniz Haşımovanın bloger qızı Aynişan Quliyeva uzun müddətdir depressiyada olduğunu etiraf edib.
Reportyor.info xəbər verir ki, bloger bu barədə sosial şəbəkə hesabında məlumat verib:
“Son zamanlar həvəssiz olduğumun yəqin ki, fərqindəsiniz. Bu sadəcə işimlə deyil, hər şeyə qarşı olan yanaşmam idi. Açığı, bir neçə dəfə özümü zorla həvəsə gətirməyə çalışmışam. Alınmayıb.
Təxmini keçən ilin noyabr ayında bunu hiss edirdim. Tam açıq şəkildə vəziyyətdən xəbərdar idim. Amma özümə güc gələ bilmirdim. Açığı, özümə gücüm çatmırdı. Normalda ideya fırtınası olan beynim “error” verdi. Heç nə düşünə bilmirdi. Heç nə məni sevindirmirdi. Günləri yola verirdim. Uzun zaman “Nə baş verir” sualından sonra anladım… Hər şey boynumda yaranan problemdən sonra baş verdi”.
Aynişan uzun zaman sonra həvəssiz olsa da, yenidən xaricə səyahət edəcəyini açıqlayıb:
“Hər gün bir məlumat oxuyub depressiyaya düşürdüm və digər problemlər yaranmağa başladı. Özüm özümü dibə çəkdim. İş orasındadır ki, bu vəziyyət məni heç bir müddət sonra belə narahat etməməyə başladı. Sanki elə belə də yaşamalıyam kimi öyrəşdim. Ən pisi isə bu imiş…
Ruhən o qədər düşmüşdüm ki, hər həftə anlamsızcasına xəstələnməyə başladım. Məni artıq heç nə həyəcanlandıra bilmirdi. Demək, insanın həyəcanı bitəndə, ölürmüş. Artıq səyahətlərim belə həyatıma maraq qatmırdı. Səyahəti dayandırdım. Uzun zaman özümü dinləməyə başladım. Dedim, düş… Düşə bildiyim qədər düş gör, nə olacaq. Dibə get… Lap dərinə toxun.
Toxundum. Və bu gün çamadanımı toplamışam. Gedirəm… Yaxşıyam? Bilmirəm. Amma dibdə qalmaq istəmədiyimi anladım. Xoşuma gəlmədi. İstəyirəm, bu səfər unutduğum həyəcanımı mənə xatırlatsın. Sizcə, hara gedirəm?”
