Azərbaycan Xalq Cümhuriyyətinin 100 illiyi münasibəti ilə İşgəncələrə Qarşı Azərbaycan Komitəsində tədbir keçirilib.
Repoertyor.info xəbər verir ki, Tədbiri giriş sözü ilə İşgəncələrə Qarşı Azərbaycan Komitəsinin sədri və səlahiyyətli şəxsi Elşad Həmidov açıb. O bildirib ki, 1918-ci il mayın 28-də AXC-nin yaradılması xalqımızın tarixinə şanlı hadisə kimi daxil olub. Cəmi 23 ay ərzində mövcud olan və müsəlman Şərqində ilk dünyəvi, demokratik dövlət kimi tarixə düşən AXC xalqımızın qədim dövlətçilik ənənələrini yaşadaraq, həmin dövr üçün mütərəqqi hesab edilən dövlət təsisatlarının yaradılmasına nail olub. Gərgin və mürəkkəb ictimai-siyasi şəraitdə fəaliyyət göstərmiş AXC demokratik dövlət quruculuğu, iqtisadiyyat, mədəniyyət, təhsil, hərbi quruculuq və sair sahələrdə həyata keçirdiyi işlərlə Azərbaycan xalqının tarixində parlaq səhifə yaradıb. 1991-ci ildə müstəqilliyini yenidən bərpa edən, ümummilli lider Heydər Əliyevin 1993-cü ildə siyasi hakimiyyətə gətirilməsindən sonra daha da inkişaf edən, beynəlxalq aləmin nüfuzlu üzvünə çevrilən, Prezident İlham Əliyevin rəhbərliyi ilə Cənubi Qafqazın lider dövləti olan müasir Azərbaycan 1918-1920-ci illərdə cəmi 23 ay ərzində mövcud olan AXC-nin siyasi varisidir.
Tədbirdə ştirak edən İşgəncələrə Qarşı Azərbaycan Komitəsinin rəsmi şəxsləri çıxış edərək, AXC-nin yaranması, həyata keçirdiyi islahatlar, yeni dövlətin beynəlxalq əlaqələri, həmçinin cümhuriyyətin süqutu, buna səbəb olan amillər, o dövrdəki siyasi-tarixi reallıqlar, cərəyan edən proseslər barədə geniş nitq söyləyib. Tədbirə İQAK-nin sədri və səlahiyyətli şəxsi Elşad Həmidov yekun nitqi ilə yekun vuraraq, dövlət başçısı İlham Əliyev AXC-nin 100 illiyi münasibətilə məhkum edilmiş bir çox şəxslərin əfv olunması haqqında mayın 24-də imzaladığı sərəncamı təqdirə layiq hesab edib.
Discussion about this post