Avstriyada şəhərlərarası qatarda qalmaqallı hadisə baş verib. Avstriyanın Bregenz şəhərindən paytaxt Vyanaya gedən qatarda sərnişinlər nasist lideri Adolf Hitlerin çıxışı dinlənilib. Qatarın mərkəzi dinamik sistemindən yayımlanan verilişdə “Heil Hitler” və “Sieg Heil” səsləri eşidilərkən, sərnişinlər eşitdikləri yayımdan şoka düşüblər.
Yaşıllar Partiyasının müavini David Stoegmueller bildirib ki, Vyanaya gəlməzdən bir müddət əvvəl qatarın dinamik sistemində Hitlerin 30 saniyəlik çıxışını, ardınca isə “Sieg Heil” səsini eşitdi. Avstriya Dəmir Yolları (OEBB) tərəfindən edilən açıqlamada, “Hazırda anonsların qatardakı insanlar tərəfindən birbaşa interkomlar vasitəsilə verildiyini güman edə bilərik. Biz məsələni polisə bildirdik.” ifadələri işlədilib. Hadisə ilə bağlı araşdırma başlanarkən 2 nəfər barəsində cinayət işi açılıb.
“AVSTRIYADA TEXNİKİ PROBLEM HITLERDİR”
Qatarda olan bir sərnişin digər ölkələrdə kondisionerin xarab olması kimi texniki problemlərin olduğunu bildirərək “Avstriyada texniki problem Hitlerdir” dedi. Avstriya əsilli nasist lideri Hitler 1913-cü ildə Almaniyaya köçmüşdü. .
