“Artromed” Klinikası Reportyor.info-da vətəndaş Günel Məmmədovun dərc olunmuş müraciətinə reaksiya verib.
Klinikadan redaksiyamıza daxil olan açıqlamada bildirilir ki, Günel Məmmədova 2022 ci ilin avqust -sentyabr aylarında dəfələrlə ittiham etdiyi həkim İdrak Əhmədovun müayinəsində olub. Müayinələr zamanı onun 2021-ci ildə “Buta” klinikasında rinoplastika əməliyyatı kecirdiyi və əməliyyatdan sonra burnunda deformasiyaların yarandıgı aşkar edilib: “Burun qığırdaqları və qismən burun sümüklərinin lizisinə, əriməsinə bağlı burunda müxtəlif deformasiyalar, əyriliklər, kontrakturalar və capıqlaşmalar yaranıb.
8 sentyabr 2022-ci il tarixdə qabırğa qığırdağından hazırlanmış autotransplantat ilə Günel Məmmədovanın burnunun total rekonstruksksiyası əməliyyatı aparılıb. Əməliyyat uğurla yekunlaşıb. Əməliyyatdan sonrakı dövr fəsadsız keçib və o, səhəri gün ambulator müalicəyə yazılıb. Tikişlər, drenajlar, silikonlar, sarğılar əməliyyatın 7-10cu günlərində cıxarılıb. Əməliyyat sonrası pasiyent mütəmadi nəzarətdə saxlanılıb, kontrollara cağırılıb və fotosənədləşmə aparılıb”.
Klinikanın açıqlamasında daha sonra bildirilir ki, Günel Məmmədova əməliyyatın birinci ayından başlayaraq hər şeydən narazılıq edib. Əməliyyatdan sonrakı 8-ci ayda isə o, klinikaya daha çox münaqişə yaratmaq məqsədi ilə gəlib: “O, burnunun kosmetik görünüşünü bəyənmədiyini bəhanə gətirərək pul tələb etməyə başladı. Özünün deməsinə görə, müayinələrə gəldiyi ilk vaxtlardan indiyə qədər kontrol baxışlara gələrkən belə, həkimlə danışıqları qeydə alıb ki, əlində əleyhimizə işlədə biləcəyi “materiallar” olsun va bununla bizi hədələyib pul alsin.
Tələb etdiyi pulu vermədiyimiz halda, sosial şəbəkələrdə, kütləvi informasiya vasitələrində həkim və klinika haqqında rüsvayedici məlumatlar paylaşacağı ilə bizi hədələyib. İstədiyi məbləği hər nə yolla olursa olsun, alacagını bildirib. Dəfələrlə klinikaya gələrək pasientlərin qarşısını kəsərək, onları əməliyyat olunmaqdan yayındırıb, qorxudub, işcilərlə münaqişə yaradıb, özbaşınalıqlar edərək klinikanın intizam gaydalarin pozub, iş fəaliyyətini iflic edib.
Pul tələbini yerinə yetirməsək özünü klinikada yandıracağı ilə, biləklərini kəsməklə hədələyib və inandırıcı olması ücün biləklərindəki kəsik izlərini göstərib.
Özünün deməsinə görə öncəki həkimi də bu tip hədələrdən cəkinərək onun tələb etdiyi pulu verib. Günel Məmmədova bildirir ki ədəbiyyat müəllimməsidir, Tovuz rayonunda işləyir.
Pasientimiz olmuş Günel Məmmədovanın 8-ci ay kontrol müayinəsi zamanı burun tənəffüsü tam sərbəst olub. Buruna yerləşdirilmis autotransplantat qıgırdaqlar tamlıgını saxlayıb. Lizis yoxdur, burun orta xətt üzrədir, burun piramidası stabildir”.
Klinikanın açıqlamasında sonda qeyd edilir ki, Günel Məmmədovanın əməllərində cinayət tərkibi əlamətləri olduğundan hüquq-mühafizə orqanlarına şikayət ərizəsi ilə müraciət edilib.
