Xankəndindəki separatçı qurum Ermənistan hökumətinə müraciət edib. Özlərini “Artsax Milli Assambleyası” adlandıran qanunsuz qurum Ermənistan hakimiyyətinə Qarabağdakı ermənilər adından mövqe təqdim edib. Orada bildirilir ki, “…bu mövqe beynəlxalq tərəfdaşlarla təmaslar və mümkün danışıqlar zamanı nəzərə alınmalıdır. Azərbaycan Ermənistan və bütövlükdə erməni xalqı ilə bərabər şərtlərdə layiqli sülhə hazır deyil.

Bizim üçün həyati əhəmiyyət kəsb edən “Artsaxın” statusu məsələsini bir kənara qoysaq belə, hətta bu halda məsələni Azərbaycan-Ermənistan münasibətləri kontekstində müzakirə etsək belə, Azərbaycanın Əliyevin daim bəyan etdiyi aqressiv strategiya seçdiyi aşkar olur. Azərbaycan tərəfi nəinki təhdidlər yaradır, hərbi təxribatlar həyata keçirir, həm də öz cəmiyyətini yeni mümkün müharibələrə hazırlayır.

Ona görə də bu şəraitdə bütün regionumuzda sabitlik və əmin-amanlıq ciddi təhlükə altındadır”. Bu mövqe Xankəndindəki seperatçı oyuncaq qurumun oyuncaq “naziri” Artak Beqlaryanın vasitəsi ilə yayılıb.