class=”medianet-inline-adv”>
Almaniya Rusiyanın hücumlarına qarşı Ukraynaya dəstəyini davam etdirir. Almaniya federal hökumətinin rəsmi saytında verilən açıqlamada Ukraynaya Patriot hava hücumundan müdafiə sistemi və döyüş sursatının çatdırıldığı bildirilib.
Bundan əlavə, Ukraynaya 16 “Zetros” markalı yük maşını və daha 2 sərhəd mühafizə maşınının göndərildiyi bildirilib. Həmçinin qeyd olunub ki, 2022-ci il yanvarın 1-dən 2023-cü il aprelin 17-dək Ukraynaya 2,7 milyard avro dəyərində hərbi texnikanın göndərilməsi təsdiqlənib.
Digər tərəfdən Almaniya hökuməti ötən ilin yanvarında Ukraynaya Patriot hava hücumundan müdafiə sistemi verəcəyini açıqlamışdı.
