Cedars-Sinai Tibb Mərkəzinin və Konnektikut Universitetinin UConn Yaşlanma Tədqiqat Təşkilatının alimləri müəyyən ediblər ki, orqanizmin hüceyrələrinin P21 zülalından təmizlənməsi siçanların ömrünü və qocaldıqca onların fiziki performansını artırır. Reportyor .info xəbər verir ki, araşdırmanın nəticələri “PubMed” portalında dərc olunub.
Komanda insanlarda və heyvanlarda ifadə olunan P21 zülalına (p21Cip1) diqqət yetirib. Təcrübə zamanı alimlər vaxtaşırı iyirmi aya çatmış gəmiricilərin hüceyrələrini bu zülaldan təmizləyirdilər. Nəticə heyvanların orta və maksimum ömrünün artması idi.
Tədqiqatçılar həmçinin qeyd ediblər ki, müntəzəm olaraq kiçik miqdarda P21-in hüceyrələrdən çıxarılması siçanların ürək və metabolik funksiyalarını yaxşılaşdırıb. Bu da öz növbəsində gəmiricilərin fiziki imkanlarını artırdı və qocalma prosesini bioloji səviyyədə ləngidib.
Alimlər əlavə ediblər ki, P21-in aradan qaldırılması bədəndə iltihabın səviyyəsini daha da azaldır. Çoxsaylı araşdırmalar iltihabın xərçəng kimi bir çox xəstəliklərin inkişaf amili olduğunu göstərib.
Tədqiqatçılar oxşar nəticələrin insan hüceyrələrini P21-dən təmizləyərək əldə edə biləcəyini təklif edirlər. Ancaq bu fərziyyəni təsdiqləmək üçün əlavə tədqiqatlara ehtiyac var.
